اكتب اسم الشاعر واللي بعدك يكتب قصيده له ،،،

[مشعل المنقاش]

مرحبا بكم اعضاء ملتقـى [ الظفيـــر ] ‏...‏ جبت لكم موضوع حلو واتمنى التفااااعل فيه ‏...‏ ؟؟

الموضوع هو
اكتب اسم الشاعر واللي بعدك يكتب قصيده له ،،، او ابيات اوكي


وانا راح ابدأ ،،،




الشاعر الامير ~ بدر بن عبد المحسن~ ....

[ممدوح الغلاب]

مشعل المنقاش بارك الله فيك يالغالي.. ويسعدني أن أول شخص يرد على موضوعك


الشاعر الامير بدر بن عبد المحسن شاعر عذب

وجميل وقصائده جميعها جزله ..

قصيدة الامير بدر بن عبدالمحسن

بعنون((الحل الصعب)) أتمنى تنا إعجابكم..



اسقني حب .. أو إسقني فرقا

إن صبرت الشقا .. أو هجرت أشقى ..

العمر يمضي .. والجروح تبقى ..

اختر الحل الصعب .. يا تفارق يا تحب ..

لا تردد في غرامي .. ابتسامي دمع ..

وسكوتي كلامي ..

افتح يدينك .. لـ شمسي ولـ هبوبي ..

كحل عيونك .. بدمعي وبـ شحوبي

واعشق الهم اللي فيني ..

هذا إن كانك تبيني ..

اختر الحل الصعب .. يا تفارق يا تحب ..

لا تحدد لي مراحل .. يا تجيني حب ..

يا تودعني راحل ..

هذي ورده للهوى .. وهذي جروحك

عطني روحي سيدي .. أو خذها روحك

وش بقى ضاعت سنيني .. يا بعد قلبي وعيني ..

اختر الحل الصعب .. يا تفارق يا تحب ..

[ممدوح الغلاب]

أما أختياري للشخص اللي بعدي ..

بإذن الله راح يستمتع بقصائد الشاعر..

ويحتار أي قصيده يأتي بها ..

أختار الشاعر العذب أمير الكلمه سعد السعيدي

[اَبن الدعيفس]

كل الشكر لك يالغالي على الفكر المميز


ياصباح الورد لـ سعد السعيدي



يـاصـبـاح الـورد يـا الـتـرف الخـجـول=يـالـلـي فـُـل ابـشـن وكـامـل بـالـحـلا
صـورك ربـي عـلـى بـعـضـك ذهــول=مـن يـشـوفـك أشـهـد أنـه مـا ســلا..
هـيـئـة اطـرافـك عـجـب ! شـل الـعـقـول=وقـوس حـجّـانـك لـهـا نـاس دخـلا
وبـيـن رمـشـك مـوووت لا جـاه الـخـمـول=يـشـعـل الـدنـيـا ويــتــركـهـا خـلا
وشـفـتـيـنـك آآآه دااايـم في ذبـول=ويــل قـلـبـي لا سـمـع مـنـك <هـلا>
جـمـرتـيـن صـغـار ولـسـان مـعـسـول=مـن يـلـوم الـتـوت لا جـاهـا وكـلا_؟
وزولـك أللي لا مـشـى طـبـعـه كـسـول=لـو كساه (الـخـيـش) مـن زيـنـك غـلا !
وخـصـرك الـنـاحـل وعـودك هـالـمـيـول=لا تـمـخـطـر صـابـنـي مـ100ـيـة بـلا !!
يـحـرسـك ربي.. من عيـون الـعـذول=ويـبـعـدك دربـكـ.. عـن عـثـور الـمـلا
يـاللي صـبـحـك (ورد) في كُل الـفـصـول=يـاعـسـى هـمّـك على هـمّـي جـلا..
فـي وطـن عـيـنـك غـدا كـلـي يـجـول=ولا أبـي أطـلـع رجـيـتـك يـا الـغـلا
سـكـر عـيـونـك أبـي وقـتـي يـطـول=إمـا أقـضـي عـمـري فـيـهـا.. أو فـلا !


اَتمنى تنال اَعجابكم


اَلي بعدي ( متعب التركي )







اَحترامي

[النبهاني]

متعب التركي

قالوا حبيبك يسمع الشعر قلت أيه
.......................يـقـراه بعـيـونـي قـبــل تسمـعـونـه

لولاه حتـى طـاري الشعـر مـا ابيـه
.......................مير أكتبـه مـن شـان خاطـر عيونـه

هـو روح شعـري وأمنياتـه وماضيـه
.......................جذع الشجر وش كان لـولا غصونـه

اكتـب لغيـره والقصايـد تجـي فـيـه
.......................كــن القصـايـد حالـفـه مـــا تـخـونـه

هـذاك لا منـه زعـل قـمـت أهـاديـه
.......................حتـى وهـو مخطـي تـعـذرت دونــه

يمكن لـو أنـه يلمـس الجـرح بيديـه
.......................يستغرب ان اللـي لمسهـا طعونـه

ابطـى وهـو غـايـب وزلــت حـراويـه
.......................وأنــا مــن الـعــام آتـحــرى مـزونــه

هو مادرى اني فـي غيابـه محاتيـه
.......................ليته نشد عـن حالـي اللـي يجونـه

واقلبـي اللـي تــوه أفـلـت عـراويـه
.......................كيف انسرق وضلوع قلبي حصونـه

عـجـزت أرده كــان مـانــي بـراعـيـه
.......................يوم انتثـر شوقـه وهاضـت شجونـه

يبسـن عروقـي لكـن اللـي يعـزيـه
.......................ان اكـثــر الـعـالــم تــــردد لـحـونــه

خـافـو مــن الله لا تجيـبـون طـاريــه
.......................لا صــرت أنــا مـوجــود لا تـذكـرونـه

لــو كــل غـالـي جـابـه الله لغالـيـه
.......................ما شفت لك مخلوق تبكـي عيونـه


....
اللي بعدي طلال الرشيد

[أحمد المسماري]

يا صـغـيّر ما يكـبـِّرني لـقـب
وما يصغِّرني إذا انكرني صغير

ماخذينا الصـيت من جمع الذهب
ولا نسابة شيخ أو قربة وزير

كاسبينه من هـل السَّيف الحَـدَب
الجنايز كان ما جاك النذير

صـيـتهم نجـمٍ على راسـه لهـب
سمعوا الصقهان به وأجهر ضرير

بالوفا تاريخٍ أبيـض ينـتـصـب
لاحكوا بالحق حيين الضمير

ضـيغمـيٍّ للسـناعـيس أنتـسـب
لابةٍ طلنا بها عرشٍ كبير

عند حـدّك يا كثير الهـرج تـب
لاتمر النار وثيابك حرير

كان لك عـزٍّ بـذلـّي فـتعـقـب
والله الا تبطي وحبلك قصير

أحسب أنك من صـناديـد العـرب
وأثر ساترتك عباتك يا غرير

ما حسب للسـوس زراع الـقـصـب
والقرادة ما درى عنها الب***

ولو حـسبنا للحسايـف والتعـب
ما بذرنا يالعصافير الش***

عن هلك أبرا إلى الله وأحتسب
الرجال اللي مجاراهم عسير

من قريش المصطـفى وأبو لهـب
والدغالب ما غشت عذب الغدير

للرجال من الرجاجيل العتب
والزكاة تحل في حال الفقير

لعن ابو وقـتٍ غدينا به حـطـب
تحرقه نارٍ يثوِّرها أجير

ما ألومك والزمن سوّى العجـب
هو بقى غير الكرامة بالجفير؟

ما أذل و راسـي يـشـم المهـب
لو بقى من شمّرٍ طفلٍ غرير

وما أهاب ولا يزلزلني غـضـب
الشجاعة ورث والعاقل غزير

يا صـغـيّر ما يـكبَّر باللـقـب
غير من هو كان من دونه صغير


الامير الشاعر طلال الرشيد

((رحمه الله واسكنه فسيح جناته))


-----------------------

اللي بعدي : الشاعر : ذيب الشمري

[اَبن الدعيفس]

جبتها على الصميم يالنبهاَني اختيار موفق
ذوق ياّبو فراس


وجايب لك 3 قصايد للمرحوم طلال الرشيد









مكانك مكانك ...



أمـوت مـن فرقاك .. و أموت بلقاك
وأموت من جورك .. و أموت بحنانك
كـلٍ قـضاه يـموت مرّه .. و يفداك
و أنـا أمـوت ألـفين مرّه .. عشانك
أذكـرك.. لا مـني نسيت إني نسيتك
أنـساك .. لامـني ذكـرت نـسيانك
رضـيت أنـا بالهم لرضاك مرضاك
و ارخصت لك قلبٍ جرحته .. وصانك
أجـيك في صدري عتاب .. و أبجفاك
و أرجـع ألـوم الوقت و أقول خانك
أحـب فـيك .. احساسي إني بلاماك
فـي عـز خـوفي منك أحس بأمانك
عـجزت أفـرق بين وصلك و فرقاك
يـاللي عـطيت الـناس بيدك عنانك
مـر تـجيني لـين أقـول إنـي إياك
و مـر تـروح بـعيد و انسى أوانك
أقـبل و تقفي .. و اعتذر عن خطاياك
و أقـول مـا عـييت .. عـيا زمانك
و إن خـانتك دنياك .. أو خنت دنياك
إرجـع و تـلقابي .. مـكانك.. مكانك





علمتني ...



علمتني وشلون احب
علمني كيف انسى
يابحر ضايع فيه .. الشط والمرسى
علمتني وشلون احن
علمني كيف اقسى
سير علي .. بس امسح دموعي وروح
سير علي .. جب لي معك قلب وروح
سير علي .. اذا تذكرت الجروح
ياطاغي النظرة .. خطا
تجزى بهالبخل العطا
وانا اللي اهديتك أمن.. عين وجفن
هذي فراش وذا غطا
ياجرح من وين ابتدي
وانت معي من مولدي
وعيت يدي .. على وداعك تهتدي
بس انت علمني الجفا
دامني عجزت اعلمك .. كيف الوفا
علمتني كيف السهر .. ونسيتني الممسى
علمتني وشلون احب
علمني كيف انسى





اخر حـــــــــــــــــــــــب


كنت احسب اني عرفت الحب قبل اعرفك
وعشقت قبل اعشقك واشتقت قبل التقيك

وكنت احسب اني لقيت احباب قبل اوصلك
واثري توهمت في غيرك وانا كنت ابيك

تعال نعطش وتشربني وانا اشربك
تعال قبل الوعد اجلس معي نحتريك

تعال شفني وانا استناك و اشبهك
يطري علي الف راي و راي واحتار فيك

اجي مكان الوعد والا اسبقه انطرك
والا آخذ الموعد اللي يحتريك واجيك

يا آخر الحب ذقت الحب في اولك
ويا اول الشوق اقصى الشوق ما ينتهيك

علمتني كيف اعرفك لين صرت اجهلك
ضيعتني في متاهاتك وكنت ارتجيك

حبيب الاحلام يابعدك ويامقربك
حرام يكفي تبعثرني وانا احتويك

ان شفتك بحلم صدقته وانا اتوهمك
وان شفتك بعلم كذبته الين انتشيك

اخاف اغمض عيوني وان رمشت افقدك
واخاف افتح وتصبح حلم ولا التقيك



اَتمنى اَعجبنك : )



اَلي بعـدي / جار الله السهلي

[سعود بن عاشور]

رغم ان الاختيار لم يعجبني ياابن الدعيفس ، لكن من شان عين تكرم مدينه ..

وجبت قصيده للشاعر محمد جارالله السهلي




لاصرت بايعني اشوفك على خير ...مع السلامه دام مابه سلامه

قلت انتهينه قلتلك خير يا طير .... ماني اول شخص يخسر غرامه

امحذرك من قبلها الف تحذير ....لعفتني بيعف قلبي هيامه

ماني بميت لا ولا احتاج تبرير....صح الله لسانك ووفر كلامه

بسمعك حبكه وفكره وتصوري...وافهم عدل يامدعي بالفهامه

وجه الشعر ابيض ويحتاج تبرير ...ودي تزينها القصيده علامه

ماضيك الاسود بذكره دون تقصير...كذا يكون بخده الشعر شامه

يصدق معي تعبير ويخون تعبير...ياضيعت الشاعر بوقت انسجامه

يمكن خطى دونك بالشعر مير....لو ماحترمتك للغرام احترامه

ماكان حبك غير بس طعنتك غير...علمتني معنى الندم والندامه

ماجاك مني اي زله وتقصير ....كل ما خطيت اعاتبك ببتسامه

حسبي على الذكره اذا هبت عصير ....ماعاد تنفع شرهتي والملامه

البال ظامي وقتها والحزن بير...خسرتك وهمي كسبت اهتمامه

ولين فازعلك كذا جاني مغير....ظلمتي واكثر طلمني ظلامه

لقبل علي اوحيت صوت المسايير....وفزيت كل ظيف يقوم بمقامه

وليا عزم هالليل ضيقه وتفكير...قلي بربك كيف اقدر انمه

مافي داعي للعتب والمعاذير...الغدر خان الجرح واطيب عمامه

اما يجيب الله مطر تالي وخير ..ولا السلامه ماشي مامن سلامه


اللي بعدي .. الشاعر / باسم العايذي

[النبهاني]

باسم العايذي
(فرقا العزيزين)


يا عذابي من سواد الليل وشجون الظـلام
وضجة التفكير والهوجاس والخاطر يحـن


والعشير اللي قضينا كل عشرتنـا سـلام
وإبتعد مدري زعل وإلا شغل وإلا محـن


والله إن فرقاااه تطحن في خفوقي هالغرام
( وما بقن غير السوالف ليتهن لي ما بقن )


والهموم وشفقة الخوه وصاحب ما يضـام
الذي يرقى الطويلـه للعـلا لا مـا يكـن


ما مشاله في رديـه أو طريـق الإنتقـام
كود بالطيبـه طريقـه للشهامـه مرتكـن


يتعب التوصيف بالقرم الأصيل إبن الكرام
أجودي والجود من جده وابو جـده علـن


بيرق الطيبه وزود الطيب خالـه والعمـام
والنعم رمز القبايل سلـم وأفعـال ومهـن


طالبك يـارب هالعشـره عساهـا للختـام
والعشير السمـح يالله طالبـك لا لا تمـن




...

اللي بعدي الشاعر محمد المشري (غير قصيدة ..هنا أسم الظفير..)

[اَبن الدعيفس]

بالله يا لزام سلم على منيف
...........................وثنه لـ/بن شرعان ضاري وقله

إنه هنا بين الضلوع المهاديف
..........................مازحزحت طول المسافه محله

أغليه وأوده غلا حنيف للكيف
............................وأشيل قدره في عيوني وأجله

حيثه ولد من يسعد بشوفة الضيف
............................أبو حجاج ٍ لا لفيته يفله

هذاك ابو ظاهر ياشوق الغطاريف
...........................بنت الشيوخ مفرقين الأخله

حمدان كاسب نافلات السواليف
............................أشهر من نجوم السما والأهله

وإلا انت يانجم الرجال المزاهيف
........................طلعك بعيد وماكرك فاطن ٍ له

تاتي على الجول المقفي بـ/تحريف
..........................وتضرب سمين الصيد ضربٍ يشله

وأنا تمثنيت الحقايق عن الزيف
..........................صدق الشعور اللي موثق سجله

ماجبت من بدع المعاني بتكليف
............................وماجيت أبضرب بالمقفين ..لله

ولاني بجاهل لانشدوني العواريف
...............................لاصار للتاريخ بحثٍ وأدله

سلم ٍ لنا من دور نزال والخيف
.............................متماكنين الطيب دقه وجله

على صحيح العلم من دون تحريف
.............................متداولينه والفخر شاهد ٍ له

بالحرب تلقى لـ/الرجاجيل تصنيف
................................ومدح ٍ إليا بان الثنا نستحله

هذا جدع هذا ..وهاذاك ماشيف
............................وهذاك ..طعن ٍ بالقفا ضاري ٍ له

ياما وردناهن وعدنا مناكيف
............................على النقا ووجيهنا مسفهله

نرقا على حيد ٍ ونرقب على نيف
.............................وناطا على خشم الضديد ونذله

ريف الضعيف إليا شكا جاير الحيف
................................وطب القلوب اللي عياها نسله

عزاز النفوس مصارعين التصاريف
..............................ما همنا وإن عضبت مضمحله

إخوان صبحا لـ/إلتحم سيف ٍ بسيف
.................................أهل البيوت النايفات المظله

وإن كان تحتاج المراجل لتعريف
...................................المرجله طماحها معرف ٍ له

وش عاد لو هبت علينا العواصيف
................................مثل الجبال الراسيات المطله

اسلم وسلم يازبون المشاريف
.................................وثن السلام وخص رجل ٍ تدله




صح لسان شاعرنا وجزل يالمشري





اَلي بعدي / عبدالكريم الجباري

[النبهاني]

عبدالكريم الجباري
(ياهلا يامرحبا بك)


ياهلا يامرحبابك يالله حي الغالي
بس قلّي ودي افهم وين هي هالغيبه
يمكن احسن لو تقول السالفه طوّالي
الحكي ياما شبعت امن البشر تلعيبه
الغلط لوقلت مني؟ذبحتك حلاّلي
ماذخرت بشوف عيني والغلا تدريبه
لاغديت ولارحلّت ولاانقطع جوّالي
شنهو عذرك والله انه خيبتك ياخيبه
يوم تنشد كيف حالي ؟ماعرفت احوالي
صحّتي احمّد ربي والعقل ياطيبه
منبسط والحمد لله معرسين اعيالي
واصغر اعيالي نجح مدري شنو ترتيبه
واجد اعلومن بعد تدري بها حسبالي
اووو ياعيب الشـــــــــوم والله منّنا ياعيبه
ياااااااا أخي لك عين والله جاي تمر اقبالي؟
العذر لو ني مكانك استحي لااجيبه
لو اداري ماي وجهي واحفظه اشوالي
كان قالوا ننتظر لين العذر ياتيبه
جيت من صوبي مطّفي ماظربت العالي
ياهلا يامرحبا تستاهل الترحيبه
تدري ويش الي ذبحني ؟الوفا شسوالي
اي مدام الي يخوّن مالقا تعذيبه
يرحم الله ليلتن ماروّحت من بالي
يوم يدّك في يديني والشعر توميبه
مشيتك مشيّت دلع يوم الدلع موالي
وانصدم فيك المياعه فوق هذي هيبه
يوم اناديك الغلا وانتا رصيد اموالي
من يكون انته رصيده مايفلّس جيبه
ذاك مبطي في عيوني ما اشوفه تالي
تبت من طعن الهوى شفت الهوى ماليبه
روح في فالك وانا برضو بروح بفالي
سمّح الله دربك الي ناوي (ن) تمشيبه
مرحبا مع السلامه ياهلا بالغالي
مرحبا يامرحبا تستاهل الترحيبه

...
اللي بعدي (حامد زيد )

[راعي العشوا]

إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره

مايملي عيون الحسود بهالزمن غير التراب
ومن لايتوب من الخطا تحرم عليه المعذره

اللي من أولها خراب أكيد بتاليها خراب
والبندق اللي ماتثور في هدفها تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجره

صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره

مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره

كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره

لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره

والله ماحطيت بين الحقدوالخوه حجاب
حتى غدوا ربعي يحدوني على الضيق أشكره

البارحه ثارت علي رقاب وأوتني رقاب
البارحه ياثقل دم البارح ويامحقره

أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره

أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره

لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره

الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي ب أهجره

من يفتح لفرقاي باب أفك له عشرين باب
وأذا خويي مايقدر خوتي ما قدره

عو ّدت نفسي كل ماشددت لليمّه ركاب
مأصد وجهي عن طموح إلا لياجبت خبره

أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره

شفهم لهم حول السنه ولا خذوا مني جواب
أحسن دوا للي يحاول يستفزك تحقره

ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره

شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره

اللي يخاف من الظما يترك لنا طرد السراب
واللي ماهو بقد الظلام ووحشته لايسهره

عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره

انا تجرعت الظما لين أحترق وجهي وذاب
انا كسرت بخاطري قبل الصداقه تكسره

انا خسرت اللي غيابه غير عن كل الغياب
انا غفرت لعلام ٍ ماتستحق المغفره

انا أكثر (أنسان) تعلم من كثر ماأخطأ وصاب
انا أخر (لسان) يتكلم في زمان الثرثره

انا القصيد اللي فزع من دفتره مليون ناب
وانا الوحيد اللي جمع مليون ناب بدفتره

جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره

شيب بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره

ماصرت ذيب إلا لأن اللي تحدوني ذياب
ما كنت أغيب إلا لأن العفو عند المقدره

ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره

في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره


اللي بعدي / الشاعر نجم الأسلمي ..

[مشعل المنقاش]

شكــرا للجميــع للتفــاعل بالمــوضوع ...


كاتب القصيده : الشاعر/نجم الاسلمي
تقييم القصيده










نشوة بطعم الفوز واحساس أنتعاش = واحساس في أن الفشل ضدي فشل
على ضميري نزّلت مثل الرشاش = نقطة سما على عطش كبدي نزل
بالكاش والله عدي آخذها بلاش = والذ من طعم الزبادي بالعسل
ياحلمي اللي زارني فوق الفراش = ياعلمي والله أن عدّه حصل
ياللي تشاف ولاتحاش ولاتناش = مابيني وبينك ولانقطة وصل
الا أني أحبك وأشوف الحال ماش = وأرجع وأحبك وأدري أني معتدل
أحيان أشوفك كن في عيني عماش = بعيدً أبعد من بلادي عن زحل
وأحيان أشوفك تحت أضواء الفلاش = وتصيح كل أعضاء جسمي يارجل
يارجل والله فرصة فيها مهاش = واما حصل هلحين والله مـ يحصل
مزينً بأغلى الذهب وأحلى القماش = وأقول في نفسً يراودها الزمل
أنا جبل مـا تهزني طلقة كلاش = الا جمل لكن تهزه ! لا جبل
جمل ، جبل ماهو مهم الا المعاش = بجنبك وشوفك وقربك والوصل
وأقوم أبيه الا أني بوسط الفراش = ياليتني ماقمت يوم أنه وصل


الــى بعــدي [[ فالــح الدهمــان الظفيـــري ]] ...

[خالد العسكر]

مشكور يالمنقاش على الموضوع الطيب


وهذي من قصايد الدهمان ويقول:

حنيت لايـام الغنـم والبعاريـن
والسوق مالى به ولا لـه عليّـه

لو صرحوا أو عرّضوا فالعنواين
احذر تصدقهـا تـرا مسرحيـه

صدّق من التحليل ماشيف بالعين
المسألـه ياصاحبـى منطقـيـه

لا ياخذك هرجن يجى فيه تطمين
وشلون تسلم وانت فى جحر حيه

ان كان باقى لك من المال ثلثيـن
انحـش بثلثينـك وخـل البقيـه

العيد قرّب مابقـا غيـر يوميـن
والعيد عيد شيوخ وانت الضحيه!

واللي بعدي ماعليه أمر يجيب قصيده للشاعر حمدان ندا العسكر:)

[راعي العشوا]

مالقيت للشاعر حمدان إلا هالقصيدهـ وإن شاء الله تعجبكم مثل ما أعجبتني .. :)

زين لي الفنجال قلـل لـي الهيـل ** ووزن مصبـه لايجينـي متمايـل
واعطيك وش دنيا ومعنى وتئويـل ** وحلل كلامي دونك الشـك زايـل
من شبتي رجال راعـي معاميـل ** وانت بعد رجـال نسـل الحمايـل
لكن همي يابن عمي كمـا السيـل ** لايهمـل ويمهـل ولالـه دلايــل
مااجدا ابرهه يومه غزا البيت بالفي ** لفكر ودبـر ميـر مامـن صمايـل
وكم ابرهه في وقتنا وكـم ابابيـل ** بذو خفـاي وكبـدي ياكـم شايـل
وجزا الردي نسل ابرهه قمع سجيل ** تعطيـه بالهامـه وهـذي قـلايـل
حنا هل الطـولات كسابـة الخيـل ** ظفـران لاعديـت روس القبايـل
فريسنا مـن فعلنـا يتعـب الحيـل ** رضيعنا ون ضـاق هـد القوايـل
لكن ولكل وقت دولـه ورجاجيـل ** واليوم ضعنـا والنتيجـه خمايـل
نصار جاك الخط من دون تهويـل ** حالي يابـو عـذال منهـا تمايـل

..

اللي بعدي الحميدي الشمري - الرنج

[النبهاني]

الشاعر //الحميدي الشمري .. رثاء الأم حيل مؤثرة

خايف عليها من الثرى غطاها والاالحصى حافي اخاف اذاها
اكرم عليها بالكفن يامطوع بالبيت ضل فراشها وغطاها
اكرم عليه بالكفن هذي امي وشهد عليهافي ماعطت يمناها
هذي الضحى واليل يتحرونه هذي السماءونجومه تنعاها
هذي السوالف مثلناتبكيها والارض تنشد عن اثر لخطاها
هذي الكبيره كبر هذي الدنيا هذي العظيمه جل من سواها
ابكي عليها مونهار وليله ولاسنه تمشي وعد قضاها
ابكي عليهاكثر ماشالتني وكثر الحنين الي اختلط بغناها
وكثرالاسامي وكثر من سموها وكثرالنجوم وكثرمن يرعاها
ابكي عليهامن القهر يادنيا من لي انا من لي عقب فرقاها
من فتحت عيني ولاخلتني وشوفو ولدها بالقبرخلاها
هل التراب بوجها ماقصر شفتو ولدها كيف هو جازاها
لوانهامكاني ماسوتها لاكن اعز عيالها سواها
يادود شفهاذابله جنبها اناولدهاوحاضر وافداها
قطعني هاك الي تبي من جسمي بس الكريمه لاتجي بحذاها
ووصيك امانه قل لهاتعذرني وتكفى تروح تحب لي ماطاها
ابيهاتغفر لي مثل ماكانت كل خمله مني بطيبها ترفاها
يالله عساها بنعيم الخالد وعساها في جنة عدن سكناها
يافضو هاذا الكون ياهو خالي ياضيق هذي الدنيا يامقساها
يامر طعم فراقها يامره ماني مصدق ارجع ومالقاها
وشلون اجي غرفتها ماهي فيها وش عذري لسبحتهاومصلاها
وش اقول انا لدولابها ومصحفها واذاسالني مشطها وحناها
وعباتها والمبخره ومي زمزم ورشوشها ودواها
الكل في غرفتها متفقدها حتى الجدار متفطر ويرجاها
الكل يبكيها مهو ناسيها يالله صبرني وشلون انساها
ياليتها ياليتها مارحت وخلتني او وسعتلي بالقبر وياها

...

اللي بعدي الشاعر //فهد عشيوي

[مشعل المنقاش]

واليكم احدي قصائده :
ما تبيه يصيـر أبشـر لا تضيـق
لك عهد مني لحقـق لـك منـاك
طول عمري عشت لك خير الرفيق
وتضحياتي كلها قصـدي رضـاك
ببتعد عنـك وأبتـرك هالطريـق
دام هذي رغبتـك حقـك معـاك
المشاعـر كـل أبوهـا للحريـق
لـو لهـا تقـدرٍ تجنبهـا خطـاك
والله لو اني مـن الفرقـا غريـق
ما أذل النفس لحظة فـي رجـاك
أبشر بعـزك حبيبـي لا تضيـق
كانها الفرقـا بحقـق لـك منـاك

تقبلوا تحياتي ....


اللــى بعــدي [[ نصــار صعفــق الســويط ]] ...

[اَبن الدعيفس]

يـانـاس مـدري ويـش اســوي لـه
حـس بغلاته وقــام يتغلا

ان قلت احبـــك قال شالـحيـله ؟
وان قلت اشوفك قال لاوالله؟

مرات اقول اصغير شـحلـيـله
مثل الكـرز لاصــار بالـسله

ومرات اشوف الويل من ويله
مثل الزمن لاقااام يتبلاا

هذاك لاهون عن الشـيـله
واطلق احجاجه والشعر فله

اعرف ترا الليله هي ليله
والطيّب اللي بيتهم دله

ناسن من الاعجاب توميله
وناسن من الضيقات منشله

وناسن عن الحساد تدعيله
وناسن من اللي تشووف مختلااا




اَلي بعــدي .. نصار عذال السويط

[مشعل المنقاش]

نصــار عذال الســويط ...



اقولك شي ماقلته لحد مره
ابختصرلك شعوري فيه واقوله

العشق مثل الممات ان جا يجي مره
ياخذ مساحات قلبك عرضه وطوله

وانا الهوا تل قلبي صوبك وفره
معقول والا انها ماهيب معقوله

وكاد عيني من الهوجاس محمره
وكاد خضر الطعون اليوم مقبوله

ولعتني لين ماقمت اتبع الجره
امشي معك مثل من ضاعت به حلوله

شفني قضبت الطريق افل واصره
واليا اعترض درب غيرك ماني بحوله

بينك وبين القمر ياصافي الغره
تظهر ولا يظهر الا حزة حلوله

الحسن فيك انت مايخفا عليي سره
اخذت عين الوحش وامن المها زوله

تعال كر الخفوق وعاود الكره
خذ في مساحات قلبي صوله وجوله

عطني من الحب خيره واكفني شره
وابشرلك إبقلب ساري معك مفعوله

....


الـى بعـدي الشـاعر [[ حمــد السعيــد ]] ...

[النبهاني]

حمد السعيد (بعض العلاقات)

بعض العلاقات ما منها ابد فكه
يا شينها كان جبتها لك القدره

لاجاك دمه ثقيل ومنطقه سكه
يضيق صدرك وهو مستاسع صدره

لاصرت ضيق الصدر بالي معك صكه
لاتجامل الي غييث وشفته ودره

زك الخوي من قبل لا تعاشره زكه
ترى خوي النشاما صابته ندره

وقت الشدايد اذا بتجربه ضكه
يمد شوفه وتلقى فزعته حدره

الاجودي اجودي ما تلحقه شكه
وفرخ النخل ما يجي في قاعدة سدره

من رافق اجرب تبي تبدابه الحكه
والطير سلم عليه ان صابته جدره

باب يجيب الهواء ان طعتني صكه
ارقى الرفاع وتجنب كل من حدره


ما يبخص شعاب مكه الا اهل مكه
الصاحب انشد وتلقى عندهم قدره

كل القلوب بهل وقت مندكه
سبت كدرهم خوي حاشهم غدره


***
اللي بعدي الشاعر(محمد بن فطيس)

[عبدالله التويس]

محمد بن حمد بن فطيس المري

مانيب من ياتي ولا يدرابه
شطر حفظته ماعرف كتابه

شطر يناسبني لمثل الليله
واشوفني في ذالمكان اولى به

ابتكل بالله ونعم بالله
اللي مايوصد دون خلقه بابه

باقول واللجنه تقيم قولي
ومن كثرت الشعار ماني آبه

الحمد لله واثق(ن) من روحي
وان كنت ذيب فالرجال ذيابه

ما اقول انا اشعر واحد فالدنيا
لكن قصيدي كفو وانا ادرابه

الشعر جمعنا لو تفرقنا
حدودنا وظروفنا الغلابه

الله يبيض وجه راعي الفكره
عز الله انها تنحسب لحسابه

والله يبيض وجه من يرعاها
محمد الله يحفظه لاحبابه

محمد ولد زايد عريب المجنى
ولي عهد الديره الخلابه

الشعر تاريخ(ن) لنا من مبطي
واعلامنا يوم السنين نهابه

الشعر بيت(ن) والوزن عمدانه
معناه طنب وقافيته حجابه

الشعر واد فيه صيد(ن) واجد
وكل على الوادي يهج ركابه

والافكار صيد وكل شاعر قانص
وكلن يدسم شاربه مخلابه

احد(ن) خياله حر واحد(ن) وكري
واحد(ن) خياله كوبجن بقطابه

وانا خيالي كل ماهديته
حول على الوادي وصاد عقابه

شاركت امثل ديرتي وربوعي
وكلن يمثلن ديرته واقرابه

والله الا الله راد والله قاله
اني لسلمها الفخر وكتابه

داري قطر وانا اهنا امثلها
المجد مطلوبي وانا طلابه

عهد علي اني لشرف داري
ترك صبي ما يعز ترابه

شوفوا دمي من حبها عنابي
وحماستي من ضووها شبابه

شاعر خليجي والعروبه بيتي
والبيت ماياقف بدون اطنابه

وان عودت بين القبايل فزعه
انا اشهد ان لي فاللوازم لابه

لي فالقبايل ربع واقدرهم
ماني بمن يجهل مقام اصحابه

وان عودت لاصلي فانا اصلي مري
من صلب يام اهل القنا وخضابه

قوم لنا فوق المعالي بيرق
والسيف قوة سلته بانصابه

الشعر طوقني وانا طوقته
قمت اتمشابه وفك ابوابه

يابنت ياللي تفرقين بعودش
مالومهم لاكثروا الخطابه

لامر بش دربش على خلق الله
قالوا كذا بالاصبع السبابه

زينش يزينه فعل ابيش وجدش
وانتي بدورش للنقا كسابه

قومي تباهيبي وفلي راسش
عليش من ستر الشرف جلبابه

وان ماسترتش بالفعول وباسمي
فعقبني الفنجال ياصبابه


الى بعدي الشاعر ( سليمان الهويدي )

[مشعل المنقاش]

السلام عليكم ورحمة الله وبركاته




وبالنسبه للي مايعرفه فهو الشاعر: سليمان صالح الهويدي يرجع نسبه الى العضدان

من الجلال من الصقور من عنزه. من مواليد 1927م من مواليد دولة الكويت..

كتب الشعر في المدح ,الرثاء وبرع في شعر الغزل وايضا في القضايا الاجتماعيه...

وكان يعشق رحلات البر والقنص وتربية الصقور و الخيول والابل..

ومن اهم اعماله:عمل كمشرف لتراث الباديه في اذاعة دولة الكويت وقدم برنامج
فنون من الصحراء وبرنامج الوان شعبيه ومجالس العرب وكان من المؤسسين لديوانية
شعراء النبط

دواوين الشاعر:مجالس العرب وذكريات الصبى واصدر ابناءه بعد وفاته ديوان رسم الكلام.

وقد عانى الشاعر من مرض القلب من سنة 1983م الى ان توفي سنة 2000م..رحمه الله.




وقد اخترت لكم بعض الابيات من قصائد الشاعر وانشالله تعجبكم..

قــال الشـاعـر فــي مـــدح وطـنــه الـكـويـت:

ياربنا تحسن اخلاقـي مـع اعمالـي
واعوذبك من هوى النفس ومخاطرها
اكرمتنا في نهوض كويتنـا الغالـي
دار الاجاويـد رب البيـت ناصرهـا
دار يجي ذكرها دايـم علـى بالـي
ماهي بخيلـه ولا ننسـى برايرهـا
والفخر برجالهـا ذربيـن الافعالـي
هم سورها اللي حموها عن مخاطرها
في ظل شيخ عريب الجـد والخالـي
ابومبارك اليـا كبـرت محاضرهـا

وقـد قـال الشاعـر هـذه القصيـده عنـد زيارتـة للمملكـه:

جيت الرياض اللي لها طيب الاذكار
دار الملـوك اللـي بعيـد نظرهـا
دار السعود اللي تحامي عن الجـار
هـذي عوايدهـم ولا أحـد نكرهـا
يانعـم بالمقـرن الياصـار ماصـار
كـل يـعـد افعالـهـم ويخبـرهـا
عبدالعزيـز ارث طويليـن الاشبـار
عقبان نجد اللـي يـداري خطرهـا

وقـال الشاعـر فـي الغـزل الكثيـر.. منهـا هـذه الابيـات:

صاحبي يلبس البرقع ماهي عادة لـه
مير اخذ سلم جيرانه وصارت طبيعه
مثل من قال لاجيت الوطن خذ دلـه
اتبع الناس وان ماطاعك الوقت طيعه
هيه ياللي اكلفكـم علـى برقـع لـه
وسعو قرضته ترى عيونـه وسيعـه
فصلـو لـه حريـر ناعـم مايملـه
حيث بشرة خـدوده بالتأثـر سريعـه
صاحبي لاهرج تشفق على هرجتلـه
من حلاوة كلامه كن هرجـه يبيعـه



والــى بعـدي الشــاعر [[ ثامـر شبــيب الدقبــاسي ... ]]

[جاسم العايذي]

ياراس لاترجـي رفيـقٍ يعـزك = ان كان ماعزيـت نفسـك بتنهـان

قام الردي يجسر عليـك ويـدزك = دارت عليك اليوم دورات الازمان

الناس ماتعطـف عليـك وتـرزك = ارفع مقامـك وارتفـع ياكحيـلان

والموقف اللي هز قلبـك وهـزك = لاتلتفت للي غدى ماضـيٍ كـان

يحز بالخاطر وانـا ادري يحـزك = انك تشوف الذل من اقرب انسـان

اصبر على همومٍ كثيـره تلـزك = وقف على حيلك ولو كنت تعبـان

عاند زمانك فـي طمـوحٍ يكـزك = لو قالوا : ان معاند الوقت خسران

قلوب خلـق الله بعضهـا تعـزك = واكثر من اللي تعزك قلوب عدوان

يعني اليامن طحت محـدٍ يـرزك = انكـان مارزيـت نفسـك بتنهـان





اللي وراي لمويضي البرازيه

[عيد العسكر]

ماهم خفيني رجال الشجاعه .... وديبهم مير المناعير صلفين

ودي بمستورٍ بوسط الجماعه ... يرعى غنمنا والبهم والبعارين

ولوأضربه بمشتدةٍ في كراعه ... لامعلمٍ فيها ولا الناس دارين


عساج منتي مرة الصديج


سند الحشار

[أحمد المسماري]

كم واحد للموت حنا جلبناه*** بالمذبحه تسفى عليه السوافى
خلوه للطير المروجح تولاه *** داجو عليه موشحين الكفــــافى
كم واحد ركب من امه ولاجاه *** فكوك ريق للضباع الهوافـــــــى


---


حواس الصمادي

[مشعل المنقاش]

الســلام عليــكم اخــوي احمــد المسمــاري بحــثت عن الشــاعر احمــد الصمــادي ولم اجد شيــئن عنــه ...؟؟

ومــن ضمــن البحــث وجـدت الشــاعر احمــد الصميــدي وانا تــوقعـت هنــاك خطــاء فـى الكتــابه ....


ونيــابتن عنــك انـا راح اكتــب للشــاعر احمــد الصميــدي ...


والشاعر الشاعر/ حــواس الصميدي

مبدع وجميل والاجمل اشاعره ؟...




يالقرم شب النار واحمـس مـن البـنواحمس لنا من بـن صنعـا عجايـب
2 ثـم دقهـا فـي قلـب نجـرن ليـادنحسه جمـع غيـاب وابليـس غايـب
3 وزلـه بدلـه مـن صنعهـا تفـنـنشخصٍ صنعهـا والصناعـه وهايـب
4 وخلها تفوح بهيلهـا عقـب ماطحـنوخلط معه مسمـار والكيـف طايـب
5 واليا اركدت سقها على شايـب امسـنوقهوه الرجال بدورهـم عقـب شايـب
6 فنجال اشقر يقعـد الـراس وان حـنقلـب عليـه مـن الليالـي غــلاب
7 فـي مجلـس مافيـه نفـس تواطـنقـول النميمـه والنميمـه ذهـايـب
8 واذكـر لنـا منهـو فعولـه يـعـدنسـوا لنـا بالمجـد علـم وسبـايـب
9 يوم انه بسيف ورمـح ( ن ) مسنـن(شبرم) قوي الباس عطـب الضرايـب
10 لاثـار عـج الخيـل والخيـل صفـنصفـت رمـوش المترفـات الحبايـب
11 يسـوق روحـه دون ربعـه ولـكـنسـوق الريـاح العاتـيـه للهبـايـب
12 صاح المصيـح اكثـر الخيـل غـارنيقودهـن شبـرم حصـان الطـلايـب
13 زيزوم حـرب وبالحرايـب تقـل جـنوالمـا بـدم اللـي يعاديـه رايــب
14 عيبه اليـا عيبـن انفوسـن وعيبـنسمـن يصـب فـوق حيـل صبايـب
15 عيبه اليـا عيبـن انفوسـن وعيبـنسيفه على العـدوان جـر المصايـب
16 وعقبه (خلاوي) من المراجـل تمكـنليـث ولـد ليـث يـفـك النشـايـب
17 لا كثرة القـالات مـا يخلـف الضـنيشـدي لـنـار تسطليـبـه لهـايـب
18 وردن عطاشا وصـدرن حيـن رويـنحدب السيوف الي بهـا السـم ذايـب
19 مـن قابلـه يلعـن نهـاره ويلـعـنحضـن رمابـه بيـن خيـل وركايـب
20 و(محمـد) ضـون نجومـه وشـعـنجمة تعلـى فـوق بيـض السحايـب
21 ريـف الضعيـف الـي لياليـه خلـنحالـه نحيـل ودمـع عينـه سكايـب
22 يعطـي ولا يتبـع عطايـاه بالـمـنيعطـي ولا يرجـي سـوى الله ثايـب
23 من عقبهم منـوه علومـه شهرهـنعلمـه شهـر لعـداه قبـل القرايـب
24 اخـوان هـو والمجـد مجـده تكـونامـا وصلـه طـيـب ول غصـايـب
25 نـوخ ركـاب الطيـب عنـده وناخـنركاب العقل يومـه صغيـرن وشايـب
26 وحيلـن يقلطهـن ينـدي شحمـهـنليـث شجـاع حـر ماقيـل هـايـب
27 اكـرم مـن غيـوم يصبـن مطرهـنواشجع من الضرغام وقـت الحرايـب
28 هـذاك (بنـدر) والعـذاري يعـجـزنمثلـه يجيبـن ماشطـات الـذوايـب
29 والطيب له خيـل و(نايـف) عسفهـنبيديـن نايـف كـل ابوهـن قضايـب
30 شيـخ مواكيـر الشكـالـه رقـاهـنمـا للـردي يمـه طريـق وسبايـب
31 كم من سجين اطلعه عقـب مااسجـنوادعى هله ضحـاك عقـب النحايـب
32 هو عزوة نفوسن من الوقـت قاسـنمثل الجبـل يرسـي بوجـه النوايـب
33 نايـف ولـه عـادات مثلـه ينوفـنحـر ينـوف بنايـفـات الهضـايـب
34 نايف ليا عجزن عن الـرآي الالسـنحكيـم رآي ودايـم الـراي صـايـب
35 مـن الكـرم تلقـى يديـنـه يـنـدنابـو شنـاتـي والفعـايـل رهـايـب
36 أبـو شناتـي والفعـايـل جعلـهـنفخـرٍ لتاريخـه عظـيـم النسـايـب
37 يشدي غيومـن رودمـن ثـم صبـنخيرٍعلـى خيـر عـزيـز الجنـايـب
38 وأخـوان صبحـا والركايـب يحـنـنأهـل المغـازي والعلـوم العـذايـب
39 والطـيـب ربـعـي وانــا مـــن(اخوان صبحه)لابتي والقرايب اهل الكرم
40 الـي لهـم بالحـرب علـم معـنـوناهل السيـوف الـي تقـص الصلايـب
41 (طماح )ربعـي بالملاقـى لهـم فـن(لالولشن)البيـض حمـر العصـايـب
42 شالو سيوف وحدرهـم خيـل شالـناكـرام انفـوس اطيـاب وارثةاطيـاب
43 مـن قاصـر الطمـاح للخيـر عيـنومـن ضدهـم تكثـر بـداره خريـب
44 بفعالهـم شبعـن جـوارح وشبـعـنذيـابـه باللـيـل جــرت قنـايـب
45 وصـلاة ربـي عـد ماالمـزن هلـنواعـداد ماعيـن تهـلـه سكـايـب
46 علـى الـذي للحـق وضـح وبـيـنعلـى النبـي الـي بكـوه الصحايـب




الشاعر/ حــواس الصميدي


الى بــعدي مشــاري الشليمـــي ...

[سعود بن عاشور]

الصمت مرفوض في حضرة جنـاب الكـلام
يا شعر حلق تراك اليوم منـت معـذور ..
حضرت والشعـر يكبـر والامانـي عظـام
حضرت وأدري حضوري غير كل الحضور ..
جيت أكتب الكل بلسـان المشاعـر مـدام
ما جيت عادي ولا مريـت أيـة مـرور ..
أبهـدي الشعـر والتقديـر والأحـتـرام
للذات .. للناس .. للجنة نزفت الشعور ..
حطيت رجلـي علـى دربٍ ملانـي هيـام
خطوة بـخطوة بديت ارقى وقلبي جسور ..
لما بلغـت المـرام وصـرت فـوق الغمـام
قلبي يدور على حلم بـسمايـه يـدور ..
لو أمكن الحلم كـان أقـول بـرد وسـلام
ما شيل هم الليالـي أو عنـاء الصـدور ..
استجدي الشوق ينبت في ضلوعـي مـلام
و أقول كلمه بـصدري من زمانٍ تفـور ..
يا سيدي والمشاعـر فـي غيابـك صيـام
انا تعبت ارسم الأحـلام بيـن السطـور ..
استجمعك وأنثر أحلامـي وقلبـي حطـام
وأقول عمر الجفا ما فـاد قلـبٍ غيـور ..
امطر بوصـلٍ يبـل القلـب بعـد الحيـام
جفت عروق الغلا يا سيدي مـن شهـور ..
شفني بعد غيبتك مانـي علـى مـا يـرام
حتى اكتسا وجهي الذبلان صمت القبور ..
نزف الأحاسيـس خلانـي عديـم اهتمـام
وإلا المشاعر على طيفـك تحـن وتثـور ..
قم غن لي بالوصل من بعد طـول الخصـام
خل بتغاريد صوتـك يزعلـن الطيـور ..
الصمت مرفوض في حضرة جنـاب الكـلام
مدام شوفي زما يالشعـر منـت معـذور ..


الشاعر / مشاري الشليمي

ابي قصيدة للشاعر / أحمد مطر

[يوسف الفراج الظفيري]

سجلت مايملك شعوري من احساس
وخصيت شخصن داخلي دوم غالي
يابومطر ياعزوتي بين الاجناس
فيك الصفات اللي تخليك عالي
يامرحبابك عد مايملك الناس
واعداد غيمن مخفيات الجبالي
توني صغير وبالتماثيل لاباس
حاولت اوصّف فيك وصفن خيالي
انت الذي بين المخاليق نبراس
ياعزوتي يامتصف بالوصالي
اعرف ترى قدرك على العين والراس
واخوان عادل ينطحون الرجالي
هذا شعوري زاله اليوم بالكاس
من شان صدرك يصبح اليوم سالي

للشاعر : (( احمد مطر )) ..َ


للشاعر : (( محمد مريبد ))

[مشعل المنقاش]

سجيت ضيقه وطاح الدمع ياسالـم
وجريتها يـوم كلـن نـام تنهيـده
ماهو بضعفن بنفسـي والله العالـم
لكن يطيح البعير ويجرحـه قيـده
خابرك لامن زهمتك قلت لي والـم
لو رحت انا وانت يم السجن تأبيده
مدري وش اللي طرالي والفراق الم
من يوم قفت عنودن كنها الصيـده
شيخة قصيدي لو ان غيابها ضالـم
ابطت علي واللقاء طافت مواعيـده
ماعاد فيها تبـادل عشـق ومكالـم
ضاع الخبر والسبب ياصعب تحديده
وان كان راحت ياسالم راسك السالم
مانيب ميت وانـا هقواتـي بعيـده


الــى بــعدي [[ خـلف بن هــذال ]] ...

[راعي العشوا]

جريت صوتي تالي الليل جره
والناس هجعا وأرفع الصوت بابيات

ولقيت في سود الليالي مضره
كم كلمة ولّت وراحت ولا جات

النوم يعرض للعيون وتمره
مر الكرام اللي خطاهم سريعات

تلبس حرير وبنت الاحرار حره
عمهوجة تغدي لها النفس توقات

دنيا تزيّن للغرير وتغرّه
بين الليال وبين الأيام غرات

غارة زمان ويكفي الله شره
أدري الهوى والنفس وابليس ما مات

احذر عدوك دبه العمر مره
واخذ الحذر من صاحبك عشر مرات

اللي بعدي [ رعد الشلال ]

[مشعل المنقاش]

مجمــوعه قصــائد للشــاعر رعـد الشــلال ...

ترى حتى النمل لما يتغرب ينجرح ببلاد
ولوحاولت احط ايدي على ترابه يهاجمني
جنون تبيع ديرتنا وتقسمني على الاسياد
وعلى اوطاني بهدب عبله شعب منثور ترسمني




خلاص اخلع جسد عنتر انا صرخة الم احفاد
دخلت حدود اعظم من عواصم ماتلملمني

انه يوصف بمراره التصاقه وحبه لوطنه قائلاً:
انا اعتز بقطع جلدي اذا كان الوطن جلاد
اعتزاز النمل في ظلمه وطن بالرمل علمني


الـى بــعـدي [[ بــندر بـن ســرور ]] ....

[يوسف الفراج الظفيري]

(سر ياقلم)


سر ياقلم مالي على الصبر طاقه
صبري تعدى الحد ماعاد ينطاق
أكتب لمثلي قصته واشتياقه
في خطك الواضح على بيض الأوراق
قصة حزين صافي الحر ذاقه
انا بذكره ماصله خاطري ضاق
باقو به الأصحاب والوقت باقه
وصار الضحيه بين باير وبواق
يمشي وهو ماحس في كسر ساقه
امسى على ساقين واصبح على ساق
مهذي سواة الوقت شين اصطفاقه
الوقت لو يصفى لك ايام دراق
لاشك يامن معك عقل ولباقه
بنصحك كان انك للأمثال تشتاق
صادق رجال يعرفون الصداقه
يقفون صفك يوم يبسات الأرياق
ومن يرغب فراقك فعجل فراقه
جاز الذي يجزيك أفراق بفراق
يقوله اللي جاير الوقت عاقه
ولازال في غيبوبة الهم مافاق
حظه على اقشر شي للنفس ساقه
بقبور الاحياء ينتظر يوم الأطلاق


اللي بعدي الشاعر : (( خلف الجباري ))

[اَبن الدعيفس]

الغالي بحثت ولم اَجد لـ خلف الجباري
ومع اَحترامي له اَول مره اسمع فيه

وجبت لك قصيده لولد عمه ( عبدالكريم الجباري )


لحظه .. بوادعك قبل إنك توادعني
ماني من اللي تروح ويمشي خلافك
لي عزة ٍ ياوليد الناس تمنعني
لوقلت .. مابيك تمزح .. خاطري عافك
قد قلتها لك قبل ماكنت تسمعني
واليوم فعلك هو اللي حطم أهدافك
يابن الأوادم نصيحه واخذها طعني
ماكل شخص ٍ يذل النفس لا شافك
صحيح زينك بعض أحيان شجعني
لكن زود الكرم زودت بسرافك
ماهوب أنا اللي تنزلني وترفعني
لو درت في نيتك كسرت مجدافك
تبي الصراحه .. تصدد لا تطالعني
أخاف من دمعتك ولا أنت ماخافك
ماغير واحد .. ولا مخلوق ولعني
الحب يجرف ولا تختار جرافك
لو قلت لحدٍ تحب.. وقال لك يعني
خله وبعد مادام الوقت ماطافك
أصارع النفس والدنيا تصارعني
والفرق واضح بمغرافي ومغرافك
ياخي ترى القلب عيا لا يطاوعني
يابن الأوادم توكل خاطري عافك



الي بعدي / سالم بن جخيـر

[يوسف الفراج الظفيري]

http://www.youtube.com/watch?v=Axu4C3hIx3s


اللي بعدي : (( فالح الدهمان ))

[اَبن الدعيفس]

اَبداأَأَأَأَأَأَأع يابن جخيــر
شاعر ما يختلفون عليك اَثنين
لاهنت يالفراج على ادراج المقطع الجزل


وهذي لـ الدهماَني


استباحت سراير مهجتى أمسيه=كنت نورن أحس بضيق عتماتها
ماثلن فى طريقن وجهته مقفيه=تنتحر فيه آمالى بخيباتها
كم بعيده هكالضلعان والاوديه=والمنازل وكبدن من فلذاتها
وردة(ن)أشعر انى حب مستنديه=ايتنفس شذاها كل من فاتها
وانا حارس على نقطة شقا مضنيه=تعبر الناس حزنى بابتساماتها
مالقيت فمكانى ذاك من تسليه=غير بيض(ن) اتقدم لى هوياتها
علهن يبسمن بنظرة(ن)مغريه=علهن يمنحن الروح رغباتها
يعبرنى يغيبن كنهن أضويه=تبتعد ثم تطفيها نهاياتها
والشتا يطرق الساحات والابنيه=كان للريح وجد(ن) فى عتاباتها
له على خاطرى من وحيها أغنيه=بت وحدى أغنيها بآهاتها
أحتضن بندقى واهيم فى أمنيه=وين ماهم طرفى خال نجماتها
جاوزت بى حدود الحلم مستعصيه=لين ذبت فخيال(ن) من خيالاتها
عشتها سكرة(ن) فى ليلة(ن)مضويه=ماحياها ولد عز(ن) ولاماتها
ولاهواها ذليل(ن) شيمته مخزيه=أو عيون الجبان أمست بغفواتها
كفوها من يشوف الدم والتضحيه=حب الاوطان لاهانت كراماتها
أحرس وأحلم وأحرس بلا أغطيه=والجنود ابعدوا عنى بدفواتها
رقدوا فى وجيه(ن) كنها أحذيه=كم مشت فى دروب الذل خطواتها
وش لى أحيا حياة(ن) أدهرت مزريه=تخنق الحالم النشوان نسماتها
صار طعم الحزن والخبز والادويه=واحد(ن)تمزجه نفسى بعبراتها
أدرك ان البشر أمراضها معديه=واستمد الدوا منها بعلاتها
كان جتك النفوس المانعه معطيه=ماتجود العفون الا بفضلاتها
ابتسم للزمان بداعى السخريه=كل ماشالت الاصنام عرضاتها
شاهد المجد كوره والصروح أنديه=همة(ن) ماتطول العز راياتها
عيش عنها شريد(ن) والعمر تمضيه=والوطن أى أرض(ن) تستر أمواتها


الي بعدي / سالم بن جخيـر : )

[الخطيب]

قصيده وكيل وعمـــــيد الجزاله .. الشااعر سالم بن جخير العرجاني




لاحان بـدع القصيـد وحـان طاريّـه

رفعـت صوتـي ولبـت لـي قوافيّـه

والشاعـر اللـي سواتـي لابـدع قافـه

يعيـش جـو الـرهـاوه والرفاهـيـه

اشعل فتيل القصيـد ويحتـرق غيـري

واجيبهـا مـن صميـم القلـب ناريـه

صعبـه وطوعتهـا واصبحـت مالكهـا

وعسفتهـا مثـل عسـفـي للعمانـيـه

وسمتهـا وسـم ابـوي ووسـم جدانـي

واسمـي علـى صدرهـا كنّـه مداليـه

اصيـر لعيونهـا مصـدوع ومشاكـس

وتصيـر لجلـي صديعـه وانتحاريـه

هذي طرات القصيـد اللـي علـى حلـه

يصبح مثـل فـي قصايدنـا العموديـه

وبعض الشعر لـو تعـده فالسنـه مـره

تلقـى كثيـر البشـر تحفـظ معانـيـه

وبعض الشعر شاعره مـن عـاده يعـده

يقال ليتـه جلـس فـي صـدر راعيـه


وانا قصيدي ليـا مـن هاضنـي بدعـه

امـا امـدح رجـال ولاّ ادلـع بنـيـه

ولا امدح الا عريب السـاس والمنسـب

اللـي تسوقـه علـى العليـا هقـاويـه

خطوى العريب الصعيب الوافـي النـادر

اللـي فعولـه توافـق مـع عـزاويـه

راع الوفـا لاسألنـي ويــن تقـديـره

ان كان ماهو هنا فـي صـدري هنيّـه

وراع الردى لاتحاكـى قلـت لـه هيـن

خسـارةٍ فيـه حتـى طــاق طاقـيـه

فـي مجلـس العـز لايقلـط ولا يذكـر

فعل الردى فـي جبينـه صـار ماريـه

راع الـردى لاتحاكـى قلـت يانـابـج

ولو تعكسون الحروف تصيـر عكسيـه

مـن واقـع التجربـه ومعابـل الدنيـا

صرت اعرف النـاس تركيبـه ونفسيـه

مؤمن بمبدى ليا منّك حضـرت اصهـل

وامـوت فـي مخـذة الحاجـه ذراعيـه

وافخر بربعي ووقف مـع بنـي عمـي

واشوش لاصـارت الدعـوى جنوبيـه

مانيب عجمي ولكن لا انتخـى العجمـي

اصيـر كنـي ولـد عجمـي وعجميـه

احيان اقول المراجل مـن ضنـى يامـي

الاب يـامـي واكـيـد الام يـامـيـه

هذي طـرات العسـر يامـدور الهيـن

تاتي كـذا مـن طناخـة راس وحميّـه

والرجل لاصار طيـب قلـب وسنافـي

ودك ليـا مـن عشـق يعشـق سنافيـه

وان كان ماالله قسم باقـول لـه حاجـه

احسن لـه يعيـش فـي جـو العزوبيـه

انا اعشـق الجـادل الرعبوبـه الترفـه

جنّـي وقلبـي وقـع فـي حـب جنيـه

بنـت الكـرم والوفـا والعـز والنخـوه

واخت السيوف الرهـاف وكـل جنبيـه

اسمـع بسيـد الخونـدا اللـي يطرونـه

والبنت هـذي حسـب عرفـي خونديـه

تطري علي وان سهيت شوي وش يحصل

القلـب كنـه يفرقـز مــن كراسـيـه

وتسري بدمـي وفـي حلـي وترحالـي

تستوطـن الفكـر فالروحـه وفالجـيـه

وان عـودت للغـلا مكانـهـا ثـابـت

تسكـن بقلبـي وترتـع فـي محانـيـه

ولا المزاييـن واجـد وانشـدو ا قلبـي

يامكثـر اللـي بقلبـي شبـه طرقـيـه

والنـاس واجـد وكـلا ً دربـه يـدلـه

والعمـر رحلـه وكـل النـاس عبريـه

تـدرون منهـي حبيبـة قلبـي الاولـى

امـوت واحيـا وانـا احـب السعوديـه


والي بعدي : ابي لشاعر دعيج الخليفه الله يعين الي بعدي

[يوسف الفراج الظفيري]

ههههههههههههههههههههههههههههههههههههههااي

تكفاا وين جبتني لهذاا ..َ

ماا اقول الا وين ربي جابني لك وانتا لي ..َ

الوكاد في بيت للصقعه يقول فيه : (( طف الليت شب الليت غير حبك ماا لقيت )) << هذاا هو بيته :)


اللي بعدي للشاعر : (( اشكناني )) :)

[اَبن الدعيفس]

اَتمنى الاَلتزام بالموضوع
اَلي بعــدي / قصيده ل نصار صعفق الظفيري

[مشعل المنقاش]

http://www.youtube.com/watch?v=zr7KC-CofP0




الـي بــعدي الشــاعر فيــصل العــدوانـي ...

[مشعل المنقاش]

اللـي بــعدي الشــاعـر فيـــصل العــدوانــي ....

[عيد العسكر]

أشهد إنها من عذابي ياعلي ماهي بريه
قلبها قاسي ونادر ما تمايلي ولان



عرضتني للهجير وقالت أمشيلك بفيه
واتركتني للسهاد ولوعة أصفاد الهوان



الشاعر : دعيبيل بن بادي الظفيري

[مـــــوادع]

الـشـــاعــــر / دعـيـبيـــــل بن بـــــادي الـعـــــريـفــــي الـظـفـــــيري
شــاعــــر غـــني عن الـتـعــــريـــــف
ولكــن عــــــذرا ً لايـحــضــرني لــه إلا هـالـبـيـتـيــــن
.
.
قـــال العــريـفــي والعــريـفـــي وَلَّــــف البِـنَـــــا
وهَـــــرْج ٍ بــــلا فـعـــــل ٍ يــــزود هْــبَـــــال
واحـلــــو حـكــي لـيـــــا ردِّد بْـمَـجــلـِــــس
مـثـــل الـسّـُكَّــــر إلـيــــا فـــــاح بُـــــنْ دلال
.
.
لــو تـكــــرمـــــــــت
الـشـــاعـــــر / ثــــــامــــر شــبــيــــــب الــدقـبــــــاسي

[مشعل المنقاش]

ثامــر شبيــب الدقبــاسـي شــاعـري المفضــل ...

(( محتاج لك حيل ))



محتاج لك حيل والله يقطـع الحاجـه حدتني وجيت اداري دمعـة عيونـي
باين علي التعـب والضيـق وانتاجـه منهار لونـي متغيّـر ماهـو بلونـي
لقيتك .. اللي يصـد معقـد حجاجـه وانت اقرب الناس والغالي ومضنوني
لكن على الله بديه الضيـق وافراجـه ولا انت الله معك خابت بك ضنونـي
بلاش منك ومـن موقفـك واحراجـه رح واتبع اللي خذوا منـي وخلونـي
من صد عني تـرى مانيـب محتاجـه من دونه اعيش دامه عاش من دونـي
وان قـدر الله مـع الايـام نتـواجـه تمـر مثلـك مثـل ناسـن يمرونـي
في عيوني تصير ماتسـوا ولا حاجـه من عقب ماكنت تسوا الناس في عيوني



الــي بــعـدي : عبــدالله علـوش الهاجـري ....

[اَبن الدعيفس]

اَوهام للرائع / عبدالله علوش



اللـي يقـول الحـب موجـود كـذاب
حاجـات ممنوعـه يسمونهـا حــب

واللي يقول أسهرنـي العشـق نصّـاب
ويعـرف نصّابـه وعلمتـه النـصـب

ماشافـت عيونـي مواليـف وأحبـاب
والعشـق لاخـطـى بقلـبـي ولا دب

أكتب غـزل كلـه علشـان الأعجـاب
ماهـو علشـان الهـوى كـل ماهـب

لاهب نسنـاس الهـوى خاطـري ذاب
لا كمـل النسنـاس وشلـون بشتـب

أوهام... شعّـار ... وخرابيـط كتـاب
والجيل ذا من يوم جاه الهـوى خـرب

نهيـت قلبـي مـن طبوعـه ولاتـاب
قد قلتله خـل الصراحـه علـى جنـب

لأن الصراحـه دايمـا تفتـح أبــواب
صار الكـلام الواقعـي يشبـه السـب

اللـي يبـي يزعـل بيلقالـه أسبـاب
لـو إن مالـي ذنـب بيحطلـي ذنـب

حنـا بزمـن فيـه العلاقـات بحسـاب
للخافـيـه ريـبـة وللواضـحـة رب

حب أهلك.. حب وطنك .. حب الأصحاب
ذولا لاقلـت تحبهـم فعـلا تـحـب

اللـي يقـول الحـب موجـود كـذاب
حاجـات ممنوعـه يسمونهـا حــب




صدقت يالهاَجـــري : )



اَلي بعدي / مساعد الخياري

[مـــــوادع]

<< عــــزة الـنـفـــــس >>
للـمُـبــــــدع / مـســـــاعــــد بن ربـيــّــع الـخـيــاري الـرشـيــدي

http://sub5.rofof.com/img3/010owihg5.gif
ينجــرح قـلــب لـكـن تـرتـفـع هـامـه
والله إني أمــوت ولاإنـحــنى راسي
لـو رمـــــاني زمـــــاني وســط دوامـــه
العــواصـف شـديــده والـجـبــل راسي
أنـقــل الـحــزن وأمـشي مـنتـصـب قــامـه
قـاسي الـوقــت لـكــنّي بـعـد قــــاسي
وأسـمـع الـحـلـم يصـرخ لـحـظـة إعــدامــه
رابـط الـجــاش مـاهــز الـخـــبر بـــــاسي
عــزتي غـالـيـــه والـنـــــاس ســـوّامـــــه
قـلـت ماأبـيــع حــتى تـقـطــع أنـفــــاسي
زانـت أيـــام عـمــري شــانـــت أيـــامـــه
مـارجـيــت الـعــزى مـن رحـمــة الـنــــاسي
مـن عـجــز لايــدوس الهم بـــأقــدامــــه
لازم إنـــه مـع الأيـــــام يـنــــداسي
يـنـدمـل جـرح الـقـلــب مــاتـــت أحــــلامـــه
بـس مــا أظــن يـبــرى جــرح الإحـســــاسي
يــوم صـارت مـابـيــن الـقـلـب والـهــــامــــه
وش أبي بـالـحـيــــاة إليـا إنـحــــنى راسي
http://sub5.rofof.com/img3/010owihg5.gif



لــو تـكــــرمـــــــــت
الـشـــاعـــــر / مـحـمــــد جـــــارالله الـسـهــلـــــي

[مشعل المنقاش]

( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :
البارحه يومه سأل : ( وش ذكـرك ذيـك الليـال ؟ )
كان الجواب بكل بساطه : ( من متى اصلا نسيت ؟ )
ادري بان جمع ( الصعوبه والبساطه ) شي محـال !!
لكنها صارت كذا ! واللي (( اهـم )) انـي دريـت :
ان الحيـاه فبعـد احبـابـك اذا جــف الـوصـال
اتعيشها لو تقتنع انك خـلااص اصبحـت ( ميـت !!)
يا صاحبـي لـو كـل شـي يمـر بالخاطـر يقـال
مـا كانـت العبـره تولجنـي اليامنـك طـريـت ؟!
شفني قدرت احبس دموعي بس ( دمع القاف ) سـال
ويا كبرها ساكت ولكـن داخـل اوراقـي بكيـت !!
عمر الحكي ما كـان دافـي لاابتـدى بقولـة تعـال
لجل اتجاهـل رجفـة حروفـي اليامنـي حكيـت ..
الحـال فـي بعـدك قسـم بالله مـا اسميـه حــال
انوي على الضحكه واحس كلي خطا لانـي نويـت ؟!
اتصور انك مـن رحلـت اشوفـك لجسمـي ظـلال
لا شفته امشي ببتعد واثـره معـي مهمـا مشيـت !!
مـدام يعنـي فـي بحـرك لفرحتـي مليـون جـال
وش فيه موجك ما ركد ؟ قربت اموووت وما رسيت ..
يرضيك ما عـادت معـي تفـرق اذا جالـك مجـال
لاني اقتنعت انك نهايه وانـي ببطـي مـا بديـت !!
صرت ( اعقد حجاجي ) اذا جابوك باطراف الجـدال
وانا قبل لاقالوا اسمـك كنـي : ميـت ثـم حييـت!؟
تعبـت اعيـش الـدور وافتـح للمعاذيـر الخـيـال
واتخيل انـي جيـت فـي بالـك وبانـك استحيـت!!
وتردلي كلك (( وله )) وتقول : ( كن البعد طـال ؟ )
ومن الفرح ما عاتبك واقول : ( ياخـي مابغيـت !! )
حتى وانـا تخيـل حشمتـك ! لـن قلبـي لا يـزال
يكرر اسمـك داخـل اعماقـي بنبضـه لا سهيـت..
قلي شسوي فيـك ؟ وانـت بداخلـي اصـدق مثـال
للحب واحساس القصيد ان عانـق الليـل وسريـت..
ربـي يصبرنـي علـى الفرقـا مـدام الحـظ مـال
وانت بيجيلك يوم تعرف ليـه فـي بعـدك شكيـت !!
واذا بـلاك الله وعذبـك اشتياقـك (( بـس تعـال ))
واقرى القصايد في غيابـك كلبوهـا بيـت ... بيـت
بتدرى ان ( اصعب سؤال ) اللي يجي رده ( سـؤال )
لا قلتلي ( وش ذكرك ؟ ) ثم قلتلك ( متى نسيـت ؟ )


اللـي بــعـدي الشــاعـر [[ تــركي الميـــزانـي المطيــري ]] تركـي 2000 ...

[اَبن الدعيفس]

ماني مجازيك في صدك iiوهجرانـك
ودعتك الله وتلقـى واحـدٍ ثانـي


أتعبت الأعيان والأقدام من iiشانـك
وانته ولاشئ سويته علـى شانـي


فزيت لك يوم قلت اسمك iiوعنوانك
لوكان ماتنتمي لسمـي وعنوانـي


ماجيت ادورك و لا أطـق iiبيبانـك
والا أترجاك مثل أفـلان iiوافلانـي


أنت الذي جيت لي وأعلنت iiبلسانك
انك على شوفتي جايع iiوعطشانـي


صدقت هجرك ومنطوقك من السانك
وأقبلت لك مندفع من كل وجدانـي


ما كنت أفكر يجي في يوم iiنسيانـك
وأنساك وانته معاهدني ماتنسانـي


الابعد ما قريـت الكـذب فاعيانـك
حاولت اوادعك وانسى كل iiماكانـي


خلاص مانـي بمتعنـي علشانـك
ودعتك الله وتلقـى واحـد ثانـي




اَلي بعدي / يوسف العصيمـي

[مشعل المنقاش]

قصيدة أبوجعفر المنصور للشــاعـر [[ يـوسف العصيــمي ]] ...
ترد القصايد ردة البل على المقهور
ليا صاح صياح المعاني براس القور

تحوّل و ترقى مع ضلوعي و احس بها
تدرهم بصدري مثل درهامة المظهور

تدرهم بصدري لين تورد على قلبي
و إذا صدرت .. ما مثل هاك الشعور شعور

أدور على بيوت الجزالة و أوسمها
و لا أوسم الواقف و لا أوسم المكسور

لأن القصيدة فكرة إبداع شاعرها
و لا ينبت الإبداع بأرض الخيال البور

و أنا شاعر و مبدع و أمثل بني عمي
مثل ما يمثل يام شاعرهم المشهور

مثل ما حضرت أول و أجازتني اللجنة
أبامتع اللجنة .. و ابامتع الجمهور

و لاني بمن لطامة العايل عتيبة
إذا ما ضحك تركي و لا صفق الدكتور

تمر فخيالي بعض الأفكار و أكتبها
مثل ما يمر من الزجاجة شعاع النور

و أنا لي جوانب فكرتي يوم أكملها
يصير الورق عش القلم و القلم عصفور

كبرنا و شفنا و الليالي عرفناها
توافيق .. و حظوظ الرياجيل تلعب دور

و أنا قادر آغني معاهم و أشاركهم
و حظي معاهم طيب و لا عليه قصور

و لكن أنا في بعض الأحيان تلقاني
أحاول أحس إحساس أبو جعفر المنصور

لو إنه يجي و يشوف بغداد وش صارت
سماها كفن للناس .. و ترابها كافور

الـي بعــدي الشــاعـر [[ محمــد ابن الذيــب ]] ...

[فـًًـهـًًــًًد]

((الجمس))

أنا لأوزع على الناس أبتساماتـي ... ياميتين المشاعر ويش يحييها
حقك علي ماتدسم لي شنباتــي ... وفعايل الناس ماتشبه مباديها
والفرصه مواتيه والطاري مواتي ... والشعر حاجه تعنيني وأعنيها
لكن ماهو يعبر عن معاناتـــي ... ألا تعبر عن الدنيا ضواحيهـا
من تجربة ربع قرن عاشها ذاتي ... ماكل فرق يهز القلب طاريهـا
ولا تحرش هجوسي في بنياتـي ... تطابقت روس عجميها وياميها
والا أمبراطورك الخافق ومشهاتي ... تطربخ في بركة الخفاق رجليها
يا أول محطة غرام من محطاتي ... ليالي جمعتني فيك يسقيهـا
أجيك وأنا كبيراتن طموحاتــي ... وأروح وأنا محبلها ومعطيها
وعليك قلبي ورا الأضلاع ماباتي ... ولا يقرب ديارك يوم أنويها
ياكود جمس ماتنافى المسافاتي ... ملكع بأول الدنيا وتاليها
منحره لأقبل مع خشمه الطويلاتي ... منحر ذلول تزود بكبد راعيها
ومرايته دون كبوته عريضاتـي ... كفوف أمام مع دعوها ويدعيها
ولهولي يبخ بلوفه بلوفاتــي ... يولع النار والا مايطفيها
مابينه وبين اهل نجد علاقاتي ... لاهيب تدانيه ولاهوب يدانيها
وصوته لاريح بنمره عقب زكاتي ... تنهيدة اللي صدوق العشق كاويها
تناحي بالمحبه بالتناهاتـــي ... ولا لقت المحبه من يناهيهـــــا
ورفارفه يوم يصفق بالمطباتي ... ردوف بنت من النعمه تدربيها
لا ناطحه هوا يبيته عاتــي ... خايف انه من الزود متقفيهـــا
ومساحتينه لاقامت تقبل وتاتـي ... أصبع عجوز كثيرات دعاويها
عليها الأحياء تدخل جو الأمواتي ... وعليها الأموات مدري وين أوديها
الجكور أكبر عياله والبنياتـي ... اللكزس والبورش والبي أم واخيها
أن قلت يا الجيب خاوه قال ما احاتي ... ماكل ديره يواليها اواليهــا
يشرب فناجيلي ويكسر بيالاتـي ... يمد رجله على دربي ويثنيها
أن قلت يا الفورد قال الفورد سكاتي ... بعض الطواريق ماودك تناحيها
الجمس أبداع من كل أتجاهاتـي ... كنه قصيدتك ذيك اللي على أيها
مصدر من الفجيرة بأسم كرواتـي ... يدرس علوم الطبيعه في نواحيها
وشراه واحد سعودي من أماراتي ... وباعه على حضرمي رايحن فيها
والحضرمي كل ماخزن من القاتي ... الحاجه اللي على باله يسويهـــا
لابغى يرهب كبار الحكوماتــي ... رجله على قطعة الفرجه مضريها
والا خواطر خفوقي وآخر أبياتـي ... قصايدي كل أبيها قد سمعتيها
والله أني عشقت رضاك بالذاتــي ... مابه مساحه بقلبي ما مشيتيها
يانيلي العذب يا دجلاي يافراتــي ...ياديرة الحب شارعها وكبريها
يا أبلغ قصيده عليها من حركاتـي ... تلتفت بالدهشه لعيني قاريها
والى انتثر دمع عينك سوي سواتي ... قولي بكمك كذيه ثم مشيها
الحزن يوم المفارق عاملا ذاتـــي ... فطرة فالأنسان مايقدر يخليها

اللي بعدي ((الشاعره المرحومه؛؛عـابـرة سبيل))..